اسلام آباد (نیوز ڈیسک) ستمبر میں ایک ساتھ تین روزہ طویل تعطیلات کا موقع ملنے کا امکان ہے۔

نجی ٹی وی سما نیوز کے مطابق سپیس اینڈ اپر ایٹموسفیئر ریسرچ کمیشن (سیارکو) کی پیش گوئی کے مطابق 24 اگست کو ماہ ربیع الاول کا چاند نظر آنے کا امکان ہے۔ اگر یہ پیش گوئی درست ثابت ہوئی تو عید میلاد النبي 5 ستمبر بروز جمعہ کو ملک بھر میں عقیدت و احترام سے منائی جائے گی جس دن سرکاری تعطیل ہوگی

اس کے اگلے روز 6 ستمبر کو یوم دفاع پاکستان کی مناسبت سے عام تعطیل متوقع ہے، جب قوم اپنے شہداء اور غازیوں کو خراج عقیدت پیش کرتی ہے۔ جبکہ 7 ستمبر اتوار کی معمول کی چھٹی ہوگی۔ اس طرح عوام کو تین دن کی نایاب طویل تعطیلات میسر آئیں گی۔