لاہور((پاکستان ٹائم)سپورٹس اینڈ یوتھ افیئرز ڈیپارٹمنٹ پنجاب کے زیر اہتمام کھیلتا پنجاب گیمز کے ڈویژن سطح کے مقابلوں کے ہاکی اور فٹ بال فائنلز ہوئے میں بوائز ہاکی کے فائنل میچ میں قصور نے خواجہ جنید اکیڈمی کی ہاکی ٹیم کو2-0 سے شکست دے کر ٹائٹل اپنے نام کرلیا ہے،جبکہ پنجاب سٹیڈیم میں ہونیوالے فٹ بال فائنل میں ینگ بلڈفٹ بال کلب ننکانہ صاحب نے رئیل کلب لاہور کو 2-0 سے شکست دے کر ٹائٹل اپنے نام کر لیا ہے،ڈائریکٹر جنرل سپورٹس پنجاب خضر افضل چودھری نے ٹائٹل جیتنے والی ٰٹیموں کو مبارکباد دی ہے
نیشنل ہاکی سٹیڈیم میں ہفتہ کے روز کھیلتا پنجاب گیمز ڈویژن سطح کے بوائز ہاکی کے فائنل میچ میں قصور نے خواجہ جنید اکیڈمی کی ہاکی ٹیم کو2-0 سے شکست دے کر ٹائٹل اپنے نام کرلیا ہے، قصور کے محمد عادل اور سلمان عاشق نیاپنی ٹیم کے لئے فیصلہ کن گول کئے۔ قصور کی ٹیم 9 پوائنٹس کے ساتھ ٹائٹل جیتنے میں کامیاب رہی جبکہ شیخوپورہ 6 پوائنٹس کے ساتھ رنراپ رہی ہے۔ لاہور کی خواجہ جنید اکیڈمی کی ٹیم نے ایونٹ میں تین پوائنٹس حاصل کیے اور تیسری پوزیشن حاصل کی ہے،اس موقع پر ڈائریکٹر یوتھ افئیرز رانا ندیم انجم، اولمپیئن خواجہ جنید، ڈپٹی ڈائریکٹر چاند پروین، ڈسٹرکٹ سپورٹس آفیسر لاہور تنویر عباس اور دیگر افسران بھی موجود تھے۔
کھیلتا پنجاب گیمز ڈویژن سطح کے فٹبال ایونٹ میں ینگ بلڈفٹ بال کلب ننکانہ صاحب نے رئیل کلب لاہور کو 2-0 سے شکست دے کر ٹائٹل اپنے نام کر لیا،اس سے قبل کھیلے گئے میچوں میں ریئل لاہور نے شیخوپورہ کو 2-0 سے جبکہ ننکانہ صاحب نے قصور کو2-0 سے زیر کیا۔
کھیلتا پنجاب گیمز ڈویژن لیول گرلز تائیکوانڈو میچوں کا انعقاد کیا گیا ہے 38 کلوگرام کیٹیگری میں مدیحہ عمران نے پہلی، عبیرہ شرافت نے دوسری پوزیشن حاصل کی ہے،42 کلوگرام کیٹیگری میں سندس زارا نے پہلی اوریفہ اسلم دوسرے نمبر پر رہی ہے،46 کلوگرام کیٹیگری میں ایمن زہرا نے پہلی ایمن فاطمہ نے دوسری پوزیشن حاصل کی،49 کلوگرام کیٹیگری میں سحر شبیرنے پہلی زہرہ دوسرے نمبر پر رہی ہے
53 کلوگرام کیٹیگری میں زینب نے پہلی ارسا فاطمہ نے دوسری پوزیشن حاصل کی جبکہ 57 کلوگرام کیٹیگری میں عفیفہ نے پہلی دوسری پوزیشن میراب اصغر نے حاصل کی ہے
